Tag Archives: yaad

Simran, Agar Mujhse Hota.

Simran, agar mujhse hota toh mai
tumhare liye kayi nazmein
likhta, aur un nazmon mei
apne ehsaaso ko shabdo
se saja kar tumhare saamne
rakhta. Tumhare bachpane
ko kisi hava mein khilkhilati
dhaal pe gaata huya phool
bolta, aur tumhari payal ki
khanak ko kisi jaam se
chalakti sharaab keh kar,
un lafzo ko jakad kar, be-
intehaan jhoomta. Par
mujhse hota nahi, kyunki
tu bhi kisi roz, nazm ban
kar mere labo pe giri thi
aur har nazm ki tarah
kuch hi lamho mein
hava mein mehak gayi thi
jaise baarish ke baad
mitti mehakti hai, kisi
garmi ki shaam ko raat
ki rani, behakti hai.
par fir, tu bhi har nazm
ki tarah, mere hothon ko
choo kar, udd gayi, aur
peeche bas apna ehsaas
chorh gayi.

Advertisements
Tagged , , , , , ,